തിരുവനന്തപുരം : ബിജെപിയുടെ മുന്നേറ്റത്തില് പരിഭ്രാന്തരായ സി.പി.എം തിരഞ്ഞെടുപ്പ് കമ്മീഷനെ ഉപയോഗിച്ച് ജനാധിപത്യവിരുദ്ധ സമീപനം സ്വീകരിക്കുകയാണെന്ന് ബി.ജെ.പി സംസ്ഥാന പ്രസിഡന്റ് കെ. സുരേന്ദ്രന്. തിരുവനന്തപുരത്ത് നടന്ന വാര്ത്താസമ്മേളനത്തില് ആണ് അദ്ദേഹം സിപിഎമ്മിനെതിരെ ആരോപണം ഉന്നയിച്ചത്.
തിരുവനന്തപുരം കോര്പ്പറേഷനില് ബിജെപിയുടെ അപരന്മാര്ക്ക് താമര ചിഹ്നത്തിന്റെ തൊട്ടടുത്ത് സമാനതയുള്ള റോസാപൂവ് കൊടുത്തിരിക്കുന്നത് ജനാധിപത്യ മര്യാദയുടെ ലംഘനമാണ്. തിരഞ്ഞെടുപ്പിന്റെ സാമാന്യ മര്യാദകള് അറിയുന്ന ആരെങ്കിലും ഇത് ചെയ്യുമോ? കോര്പ്പറേഷനില് ഏഴു സ്ഥലത്താണ് ഇത്തരത്തില് ക്രമക്കേടുള്ളതെന്നും സുരേന്ദ്രന് ആരോപിച്ചു.
തിരഞ്ഞെടുപ്പ് ഉദ്യോഗസ്ഥരെ കൊണ്ട് ക്രമക്കേട് നടത്തുന്നു. ബി.ജെ.പിക്ക് ജയസാധ്യതയുള്ള ആര്യനാട് ജില്ലാ പഞ്ചായത്തില് ബിജെപി സ്ഥാനാര്ത്ഥിക്ക് ചിഹ്നം നിഷേധിച്ചു. ഇതുകൊണ്ടൊന്നും എന്.ഡി.എയുടെ മുന്നേറ്റം തടയാനാവില്ലെന്നും സുരേന്ദ്രന് കൂട്ടിച്ചേര്ത്തു.
അതേസമയം ഇന്ത്യ കണ്ട ഏറ്റവും വലിയ അഴിമതിക്കാരനായ മുഖ്യമന്ത്രി പിണറായി വിജയനാണെന്ന് അദ്ദേഹം ആരോപിച്ചു. വലിയ അഴിമതി നടന്നതു കൊണ്ടാണ് കിഫ്ബിയുടെ കാര്യത്തില് മുഖ്യമന്ത്രി ജനങ്ങളെ ആവര്ത്തിച്ച് തെറ്റിദ്ധരിപ്പിക്കുന്നതെന്നും കേന്ദ്ര സര്ക്കാര് സി.എ.ജിയെ ഉപയോഗിച്ച് രാഷ്ട്രീയം കളിക്കുകയാണെന്ന മുഖ്യമന്ത്രിയുടെ ആരോപണം ഭരണഘടനയെ കുറിച്ചുള്ള അജ്ഞതയാണെന്നും അദ്ദേഹം പറഞ്ഞു.
ഇതുവരെ ഒരു പ്രതിപക്ഷവും ഉന്നയിക്കാത്ത കാര്യങ്ങള് പിണറായി വിജയന് പറയുന്നത് പരിഹാസ്യമാണ്. കരടിലില്ലാത്ത കാര്യങ്ങള് റിപ്പോര്ട്ടില് ഉണ്ടെന്നാണ് മുഖ്യമന്ത്രി പറയുന്നത്. നിയമസഭയില് വെക്കേണ്ട സി.എ.ജി റിപ്പോര്ട്ട് എങ്ങനെയാണ് മുഖ്യമന്ത്രി കാണുക? അങ്ങനെ കണ്ടെങ്കില് അത് സത്യപ്രതിജ്ഞാലംഘനമാണെന്നും കിഫ്ബി ഓഡിറ്റിംഗില് പ്രശ്നമില്ലെങ്കില് ഇപ്പോള് എന്തിനാണ് മുഖ്യമന്ത്രിയും ധനമന്ത്രിയും ഉറഞ്ഞു തുള്ളുന്നതെന്നും സുരേന്ദ്രന് ചോദിച്ചു.
തിരഞ്ഞെടുപ്പ് കാലത്തെ മുഖ്യമന്ത്രിയുടെ വാര്ത്താസമ്മേളനത്തിന് മാദ്ധ്യമങ്ങള് അമിതപ്രാധാന്യം നല്കുന്നത് ശരിയല്ലെന്നും കോവിഡിന്റെ മറവില് മുഖ്യമന്ത്രി രാഷ്ട്രീയമാണ് പറയുന്നതെന്നും അദ്ദേഹം പറഞ്ഞു.
Discussion about this post