ചങ്ങനാശ്ശേരി: എസ്എന്ഡിപി ജനറല് സെക്രട്ടറി വെള്ളാപ്പള്ളി നടേശന്റെ വിമര്ശനത്തിനു പിന്നാലെ എന്എസ്എസ് ജനറല് സെക്രട്ടറി ജി സുകുമാരന് നായരുടെ മകള് ഡോ. സുജാത എം ജി സര്വകലാശാല സിന്ഡിക്കേറ്റ് അംഗത്വം രാജിവച്ചു. സര്ക്കാറില് നിന്ന് എല്ലാ ആനുകൂല്യങ്ങളും പറ്റി എന്എസ്എസ് സര്ക്കാറിന്റെ നെഞ്ചത്ത് കുത്തിയെന്ന് വെള്ളാപ്പള്ളി വിമര്ശിച്ചിരുന്നു. മൂന്നുവര്ഷംകൂടി കാലാവധി ബാക്കിനില്ക്കെയാണ് സുജാതയുടെ രാജി.
എല്ഡിഎഫിന്റെ തെരഞ്ഞെടുപ്പ് വിജയത്തിന് പിന്നാലെ നടത്തിയ വാര്ത്താ സമ്മേളനത്തിൽ വെള്ളാപ്പള്ളി എൻ എസ് എസിനെ വിമർശിച്ചിരുന്നു. ”നന്ദികേടിന്റെ പേരാണ് ‘ചങ്ങനാശേരിയിലെ തമ്പ്രാന്’ എന്നായിരുന്നു വെള്ളാപ്പള്ളിയുടെ ആരോപണം. അദ്ദേഹം വ്യക്തിപരമായി ആനുകൂല്യം നേടിയ ആളാണ്. ആര് ഭരിച്ചാലും എം ജി സര്വകലാശാലയില് മകള് സിന്ഡിക്കേറ്റ് മെമ്പറായി ഇരിക്കുന്നു.’
ഈരാറ്റുപേട്ടയിൽ കാലു കുത്തിയാൽ പേപ്പട്ടിയെ പോലെ തല്ലിക്കൊല്ലുമെന്ന് പിസി ജോർജിന് വധഭീഷണി (വീഡിയോ)
‘ഈ ആനുകൂല്യം വാങ്ങി സുഖം അനുഭവിക്കുന്ന ആളാണ് അദ്ദേഹം. എല്ഡിഎഫും വേണ്ട ആനുകൂല്യങ്ങള് നല്കി. എന്നിട്ടും എല്ഡിഎഫിനെ തള്ളിപ്പറയുന്നതിനെ നന്ദികേട് എന്ന് മാത്രമേ പറയാന് സാധിക്കൂ.- വെള്ളാപ്പള്ളി പറഞ്ഞിരുന്നു.
അതേസമയം, ആരോപണം അടിസ്ഥാനരഹിതമാണെന്നാണ് സുകുമാരന് നായര് പറഞ്ഞു. മകള് രാജിവച്ച വിവരം അദ്ദേഹം തന്നെയാണ് മാധ്യമങ്ങളെ അറിയിച്ചത്. പദവിക്കായി സര്ക്കാരിനെയോ ഏതെങ്കിലും രാഷ്ട്രീയ നേതാക്കളെയോ സമീപിച്ചിട്ടില്ലെന്ന് സുകുമാരന് നായര് പ്രസ്താവനയിലൂടെ അറിയിച്ചു.
Discussion about this post