ഉത്തരാഖണ്ഡില്‍ മേഘവിസ്‌ഫോടനം; 15 പേര്‍ക്ക് ദാരുണാന്ത്യം, മൂന്നു പേരെ കാണാതായെന്നും റിപോർട്ടുകൾ

ന്യൂഡല്‍ഹി; ഉത്തരാഖണ്ഡിലുണ്ടായ മേഘവിസ്ഫോടനത്തില്‍ വ്യാപക നാശനഷ്ടം. മോലി ഗര്‍വാള്‍ ജില്ലയിലുണ്ടായ ‘മേഘവിസ്ഫോടന’ത്തെ തുടര്‍ന്ന് 15 പേര്‍ മരിച്ചുവെന്നും മൂന്ന് പേരെ കാണാതായെന്നും സ്ഥിരീകരിക്കാത്ത റിപ്പോർട്ടുകളുണ്ട്. തെഹ്റിയിലെ ഉത്തര്‍കാശി, രുദ്രപ്രയാ​ഗ് എന്നിവിടങ്ങളില്‍ ഇന്നാണ് ദുരന്തമുണ്ടായത്.

നിരവധി റോഡുകളും പാലങ്ങളും വീടുകളും തകര്‍ന്നു. ആള്‍നാശം സംഭവിച്ചോയെന്ന കാര്യങ്ങള്‍ അറിവായിട്ടില്ല. വളരെ കുറച്ച്‌ സമയം കൊണ്ട് ഒരു പ്രദേശത്ത് പെയ്തിറങ്ങുന്ന അതിശക്തമായ മഴയാണ് മേഘവിസ്ഫോടനം. അതിശക്തമായ മഴയില്‍ പ്രദേശം വെള്ളത്തില്‍ മുങ്ങും.

ഉത്തരാഖണ്ഡില്‍ നിന്ന് പുറത്തുവരുന്ന ചിത്രങ്ങള്‍ അപകടത്തിന്റെ ഭീതി വെളിവാക്കുന്നതാണ്. കുതിച്ചുവരുന്ന മഴവെള്ളത്തിന്റേയും വെള്ളപ്പൊക്കത്തിന്റേയും ദൃശ്യങ്ങളാണ് പുറത്തുവന്നത്. ഹിമാലയന്‍ മലനിരകളുള്ള സംസ്ഥാനമായതിനാല്‍ ദുരന്തത്തിന്റെ ആഘാതം വലുതാണെന്നാണ് വിവരം.

Uttarakhand | Several houses & roads damaged due to a cloudburst in Kumarada village of Chiniyalisaur block, Uttarkashi, earlier today. Officials of local administration are at the spot pic.twitter.com/ysEnO6c0im

— ANI (@ANI) May 3, 2021