തിരുവനന്തപുരം: മുഖ്യമന്ത്രിക്കും മകള്ക്കുമെതിരെ ആരോപണവുമായി ബിജെപി. സ്വപ്ന സുരേഷിന് മുഖ്യമന്ത്രിയുടെ കുടുംബവുമായി അടുത്ത ബന്ധമാണുള്ളതെന്നും മുഖ്യമന്ത്രിയുടെ മകള് വിണാ വിജയനെയും മരുമകനും ഡിവൈഎഫ്ഐ നേതാവുമായി മുഹമ്മദ് റിയാസിനെയും അന്വേഷണ സംഘം ചോദ്യംചെയ്യണമെന്നും ബിജെപി വക്താവ് സന്ദീപ് വാര്യര് പത്രസമ്മേളനത്തില് ആവശ്യപ്പെട്ടു.
മുഖ്യമന്ത്രിയുടെ മകള് സ്വപ്ന സുരേഷിനൊപ്പം തിരുവനന്തപുരത്തെ ഒരു ഫര്ണിച്ചര് കടയില് പോയി കല്യാണ സമ്മാനമായി ഫര്ണിച്ചറുകള് വാങ്ങിയെന്ന് സന്ദീപ് വാര്യര് ആരോപിച്ചു. മുഖ്യമന്ത്രിയുടെ മകളുടെ വിവാഹദിവസവും തലേദിവസവുമുള്ള ക്ലിഫ് ഹൗസിലെ സിസിടിവി ദൃശ്യങ്ങള് പരിശോധിച്ചാല് ഇക്കാര്യം വ്യക്തമാകുമെന്നും അദ്ദേഹം പറഞ്ഞു.
മന്ത്രിപുത്രനുമായി മാത്രമല്ല, മുഖ്യമന്ത്രിയുടെ കുടുംബവുമായും സ്വപ്ന സുരേഷിന് അടുത്ത ബന്ധമുണ്ട്. മുഖ്യമന്ത്രിയുടെ മകളുടെ വിവാഹത്തിന്റെ എഡിറ്റ് ചെയ്യാത്ത വീഡിയോ ജനങ്ങള്ക്കു മുന്നില് വെക്കാന് മുഖ്യമന്ത്രി തയ്യാറാകണം. ഇക്കാര്യങ്ങളില് മുഖ്യമന്ത്രിയുടെ മകളെ മാത്രമല്ല, മരുമകനെയും സ്വപ്ന സുരേഷിനൊപ്പമിരുത്തി ചോദ്യംചെയ്യണമെന്നും ബിജെപി വക്താവ് ആവശ്യപ്പെട്ടു.
മുഖ്യമന്ത്രിയുടെ മാനസിക നില തകര്ന്നിരിക്കുകയാണ്. ഷോക്കടിപ്പിക്കുകയോ നെല്ലിക്കാത്തളം വെക്കുകയോ വേണം. മനോനില തകര്ന്ന മുഖ്യമന്ത്രി കേരളം ഭരിക്കുന്നത് സംസ്ഥാനത്തിന് നല്ലതല്ലെന്നും സന്ദീപ് വാര്യര് പറഞ്ഞു.
സ്വര്ണക്കള്ളക്കടത്തില് പങ്കില്ലെന്ന് പരിശുദ്ധ ഖുറാനില് തൊട്ട് സത്യംചെയ്യാന് കെ. ടി. ജലീല് തയ്യാറുണ്ടോയെന്നും അദ്ദേഹം ചോദിച്ചു. മതത്തെ പരിചയാക്കി ചെയ്ത തെറ്റുകളില്നിന്ന് രക്ഷപ്പെടാനാണ് ജലീല് ശ്രമിക്കുന്നത്. ഇതുപോലെ വര്ഗീയവാദിയായ മറ്റൊരു മന്ത്രിയെ കേരളം മുന്പ് കണ്ടിട്ടില്ല. ഇന്ത്യയുടെ മോചനം ഇസ്ലാമിലൂടെ എന്ന് പ്രസംഗിച്ചിരുന്ന സിമി പ്രവര്ത്തകനായിരുന്നു ജലീല്. അധികാരക്കൊതിമൂലം സിപിഎമ്മില് എത്തിയ ആളാണ്. ജലീലിനെ സിപിഎം ഭയക്കുന്നത് എന്തിനാണെന്നും ബിജെപി വക്താവ് ചോദിച്ചു.
ആരോപണത്തില് ഉറച്ചുനില്ക്കുകയാണെങ്കില് തെളിവുകള് പുറത്തുവിടാന് സന്ദീപ് വാര്യര് തയ്യാറാകണമെന്ന് റിയാസ് ആവശ്യപ്പെട്ടു. ആരോപണമുന്നയിച്ച ആള്ക്ക് തെളിവുകള് പുറത്തുവിടാനുളള ധാര്മികമായ ബാധ്യതയുണ്ട്. ആരോപണം ഉന്നയിച്ചയാള് പറഞ്ഞതു പോലെ ഫര്ണ്ണിച്ചര് വാങ്ങി എങ്കില് വാങ്ങിയ ഒരു കട ഉണ്ടാകണമല്ലോ.? വലിയൊരു കടയാണെങ്കില് ആ കടയില് സിസിടിവിയും കാണുമല്ലോ …? റിയാസ് ചോദിച്ചു. വീട്ടില് തെളിവ് വച്ചിട്ടെന്തിന് നാട്ടില് തേടി നടപ്പൂ റിയാസേ ? ക്ലിഫ് ഹൗസിലെ സിസിടിവി ദൃശ്യങ്ങളും എഡിറ്റ് ചെയ്യാത്ത കല്യാണ വീഡിയോയും പുറത്ത് വിടാന് ധൈര്യമുണ്ടോയെന്ന് ഇതിന് മറുപടിയായി സന്ദീപ് വാര്യര് പേസ്ബുക്ക് പോസ്റ്റില് പരിഹസിച്ചു.
Discussion about this post