തിരുവനന്തപുരം: ശ്രീനാരായണഗുരുദേവ ജയന്തി ദിനം സി.പി.എം കരിദിനമാചരിക്കുന്നതില് പ്രതിഷേധവുമായി എസ് എന് ഡി പി യോഗം ജനറല് സെക്രട്ടറി വെള്ളാപ്പളളി നടേശന്. കരിദിനമാചരിക്കുന്നതില് ശക്തമായ പ്രതിഷേധവും അമര്ഷവും രേഖപ്പെടുത്തുന്നു. ജനലക്ഷങ്ങള് പ്രത്യക്ഷദൈവമായി ആരാധിക്കുന്ന ശ്രീനാരായണഗുരുദേവനോടുള്ള അനാദരവായി മാത്രമെ ഇതിനെ കാണാന് സാധിക്കു. രണ്ട് ചെറുപ്പക്കാര് കൊല്ലപ്പെട്ട സംഭവത്തില് ഞങ്ങള്ക്കും ദു:ഖമുണ്ട്. മക്കളെ നഷ്ടപ്പെട്ട മാതാപിതാക്കളോട് അങ്ങേയറ്റത്തെ സഹതാപവുമുണ്ട്. ആ സംഭവത്തില് പാര്ട്ടിയുടെ പ്രതിഷേധം മനസിലാക്കാം. പക്ഷേ ഞായറാഴ്ച നടന്നൊരു സംഭവത്തിന്റെ പേരില് മൂന്നുദിവസം കഴിഞ്ഞ് ശ്രീനാരായണഗുരുദേവ ജയന്തിനാളില്ത്തന്നെ പ്രതിഷേധിക്കാന് തീരുമാനിച്ചതും, അതും കരിദിനമായി ആചരിക്കാന് തീരുമാനിച്ചതും ഗുരുനിന്ദയാണ്. അദ്ദേഹം പറഞ്ഞു. നേരത്തെ സിപിഎമ്മിനെതിരെ ബിജെപിയും ബിഡിജെഎസ്സും രംഗത്തുവന്നിരുന്നു.
Discussion about this post