ദില്ലി: സിപിഎം ജനറല് സെക്രട്ടറി സീതാറാം യെച്ചൂരിയുടെ മകന് ആശിഷ് യെച്ചൂരി അന്തരിച്ചു. 33 വയസ്സായിരുന്നു. ദില്ലിയില് കൊവിഡ് ബാധിച്ച് സ്വകാര്യ ആശുപത്രിയില് ചികിത്സയിലായിരുന്നു. ദില്ലിയില് മാധ്യമപ്രവര്ത്തകനായിരുന്നു ആശിഷ്.
ദില്ലിയിലെ ഗുഡ്ഗാവിലുള്ള മേദാന്ത മെഡിസിറ്റിയില് ചികിത്സയിലായിരുന്നു ആശിഷ്. ഇന്ന് പുലര്ച്ചെയാണ് സ്ഥിതി ഗുരുതരമായതും മരണം സംഭവിച്ചതും. മകന് കൊവിഡ് ബാധിച്ചതിനെത്തുടര്ന്ന് സീതാറാം യെച്ചൂരി സ്വയം ക്വാറന്റീനിലായിരുന്നു. പശ്ചിമബംഗാളിലെ തെരഞ്ഞെടുപ്പ് പ്രചാരണത്തില് യെച്ചൂരി പങ്കെടുത്തിരുന്നില്ല.
സീമ ചിസ്തി യെച്ചൂരിയാണ് ആശിഷിന്റെ അമ്മ. അഖില യെച്ചൂരി സഹോദരിയാണ്. ടൈംസ് ഓഫ് ഇന്ത്യ, ന്യൂസ് 18 എന്നീ സ്ഥാപനങ്ങളില് മാധ്യമപ്രവര്ത്തകനായിരുന്ന ആശിഷ്, ഏഷ്യാവില് ഇംഗ്ലീഷിലും പ്രവര്ത്തിച്ചിരുന്നു.
Discussion about this post