ചെന്നൈ: ഹൃദയാഘാതത്തെ തുടര്ന്ന് ആശുപത്രിയില് പ്രവേശിപ്പിച്ച തമിഴ് സിനിമാ താരം വിവേക് അന്തരിച്ചു. ഇന്ന് രാവിലെ 4 35 നായിരുന്നു അന്ത്യം. വെള്ളിയാഴ്ച രാവിലെയാണ് വിവേകിന് ഹൃദയാഘാതം സംഭവിച്ചത്. ചെന്നൈയിലെ സിംസ് ആശുപത്രിയില് തീവ്രപരിചരണവിഭാഗത്തില് ചികിത്സയിലായിരുന്നു താരം. അക്യൂട്ട് കൊറോണറി സിന്ഡ്രോമിനൊപ്പമുള്ള ഹൃദയാഘാതമാണ് വിവേകിന് സംഭവിച്ചത്. വിവേക് കഴിഞ്ഞ ദിവസം കോവിഡ് വാക്സിന് സ്വീകരിച്ചിരുന്നു.
എന്നാൽ കോവിഡ് വാക്സിന് സ്വീകരിച്ചത് കൊണ്ടല്ല ഇത് സംഭവിച്ചതെന്നും ഡോക്ടര്മാര് വ്യക്തമാക്കിയിട്ടുണ്ട്. നിലവില് കൊറോണറി ആന്ജിയോഗ്രാമും ആന്ജിയോപ്ലാസ്റ്റിയും ചെയ്തു. തുടര്ന്ന് ഇസിഎംഒയില് പ്രവേശിപ്പിച്ചിരിക്കുകയായിരുന്നു. ഇന്ന് പുലർച്ചയോടെ മരണം സ്ഥിരീകരിക്കുകയായിരുന്നു.
നടന് വിവേകിനു ഹൃദയാഘാതം ; ആരോഗ്യനില ഗുരുതരമായി തുടരുന്നു; ആന്ജിയോപ്ലാസ്റ്റി നടത്തി
സാമി, ശിവാജി, അന്യന് തുടങ്ങി ഇരുന്നൂറിലധികം ചിത്രങ്ങളില് വിവേക് അഭിനയിച്ചിട്ടുണ്ട്. മൂന്ന് തവണ തമിഴ്നാട് സര്ക്കാരിന്റെ മികച്ച ഹാസ്യനടനുള്ള പുരസ്കാരം ലഭിച്ചിട്ടുണ്ട്. ഹരീഷ് കല്യാണ് നായകനായെത്തിയ ധാരാള പ്രഭു എന്ന ചിത്രത്തിലാണ് വിവേക് ഒടുവില് വേഷമിട്ടത്.
Discussion about this post