കൊച്ചി ; സംസ്ഥാനത്തു നോൺ വോവൺ വിഭാഗത്തിലുള്ള പ്ലാസ്റ്റിക്കുകൾക്കു വിലക്ക് ഏർപ്പെടുത്തിയ സർക്കാർ നടപടി ഹൈക്കോടതി റദ്ദാക്കി. 60 ജി.എസ്.എമ്മിന് താഴെയുള്ള പ്ലാസ്റ്റിക് ക്യാരി ബാഗുകള്ക്കായിരുന്നു സര്ക്കാര് നിരോധനമേര്പ്പെടുത്തിയിരുന്നത്. ഇതിന് സംസ്ഥാന സര്ക്കാരിന് അധികാരമില്ലെന്ന് ജസ്റ്റിസ് എന്. നഗരേഷ് വ്യക്തമാക്കി.
നിരോധനത്തിനെതിരെ അങ്കമാലി സ്വദേശി ഡോക്ടർ തിരുമേനിയും മറ്റും സമർപ്പിച്ച ഹർജികൾ അനുവദിച്ചാണ് ജസ്റ്റിസ് നഗരേഷിൻ്റെ ഉത്തരവ്. പ്ലാസ്റ്റിക് വേസ്റ്റ് മാനേജ്മെന്റ് നിയമ പ്രകാരം നിരോധന അധികാരം കേന്ദ്ര സർക്കാരിനാണ്. സംസ്ഥാന സർക്കാരിന് നിരോധിക്കാൻ അധികാരമില്ലെന്ന് ഹൈക്കോടതി വ്യക്തമാക്കി.
വസ്ത്രവ്യാപാര ശാലകളിലും മറ്റും ഉപയോഗിക്കുന്ന ക്യാരിബാഗുകളാണ് നോൺ വോവൺ വിഭാഗത്തിലുള്ളത്. പ്ലാസ്റ്റിക് മാലിന്യ നിര്മാര്ജനത്തിന്റെ ഭാഗമായായിരുന്നു സര്ക്കാര് 60 ജി.എസ്.എമ്മിന് താഴെയുള്ള പ്ലാസ്റ്റിക് ക്യാരി ബാഗുകള് നിരോധിച്ചിരുന്നത്. ഇതു സംബന്ധിച്ച് വ്യാപാര സ്ഥാപനങ്ങള്ക്ക് കര്ശന നിര്ദേശം നല്കുകയും ചെയ്തിരുന്നു. ഇതിനെതിരായി പ്രവര്ത്തിക്കുന്നവര്ക്കെതിരെ ശിക്ഷണ നടപടികള് ഉള്പ്പെടെ സ്വീകരിക്കുകയും ചെയ്തിരുന്നു.
Discussion about this post