തിരുവനന്തപുരം: സംസ്ഥാനത്തെ ഭക്ഷ്യസുരക്ഷ പരിശോധനയില് ഹോട്ടലുകളുടെ പിന്തുണ തേടി ആരോഗ്യമന്ത്രി വീണ ജോര്ജ്. ഭക്ഷണം വിതരണം ചെയ്യുന്ന സ്ഥാപനങ്ങൾക്ക് ലൈസൻസും രജിസ്ട്രേഷനും വേണം. പച്ച മുട്ട ചേര്ത്ത മയൊണൈസ് സംസ്ഥാനത്ത് നിരോധിച്ചു. പാസ്റ്റണേസ് മുട്ട ഉപയോഗിക്കാം.
വെജിറ്റബിൾ മയൊണൈസും ഉപയോഗിക്കാം. പാഴ്സലുകളില് സമയം രേഖപ്പെടുത്തുകയും സ്റ്റിക്കര് വേണമെന്നും മന്ത്രി പറഞ്ഞു. വീണാ ജോര്ജിന്റെ അധ്യക്ഷതയില് ഹോട്ടല്, റെസ്റ്റോറന്റ്, ബേക്കറി, വഴിയോര കച്ചവടക്കാര്, കാറ്ററിംഗ് എന്നീ മേഖലകളിലെ സംഘടനാ പ്രതിനിധികളുമായുള്ള യോഗത്തിലാണ് തീരുമാനം. കൂടുതല് നേരം മയോണൈസ് വച്ചിരുന്നാല് അപകടകരമാകുന്നതിനാല് ഈ നിര്ദേശത്തോട് എല്ലാവരും യോജിച്ചു. ഭക്ഷണം പാകം ചെയ്യുന്നവര്ക്കും വിതരണക്കാര്ക്കും ഹെല്ത്ത് കാര്ഡ് വേണം.
ഓരോ സ്ഥാപനത്തിലും ഫുഡ് സേഫ്റ്റി സൂപ്പര്വൈസര് ഉണ്ടാകണം . എല്ലാ സ്ഥാപനങ്ങളും രജിസ്ട്രേഷനോ ലൈസന്സോ എടുക്കണം. ഭക്ഷ്യസുരക്ഷാ വകുപ്പ് നടപ്പിലാക്കുന്ന ഹൈജീന് റേറ്റിംഗില് എല്ലാ സ്ഥാപനങ്ങളും സഹകരിക്കേണ്ടതാണ്. ശുചിത്വം ഉറപ്പാക്കി നല്ല രീതിയില് പ്രവര്ത്തിക്കുന്ന സ്ഥാപനങ്ങളെ നല്ല രീതിയില് അവതരിപ്പിക്കാനുമുള്ള ഒരിടം കൂടിയാണിതെന്നും മന്ത്രി പറഞ്ഞു.
Discussion about this post