ന്യൂഡല്ഹി: പ്രധാനമന്ത്രി നരേന്ദ്രമോദിയെ അവഹേളിക്കുന്ന ബി.ബി.സി ഡോക്യുമെന്ററി പ്രദർശനവുമായി ബന്ധപ്പെട്ട് ജാമിയ മിലിയ ഇസ്ലാമിയ സര്വകലാശാലയില് സംഘർഷാവസ്ഥ.
ഡോക്യുമെന്ററി പ്രദര്ശിപ്പിക്കാന് സർവകലാശാല അധികൃതർ അനുമതി നിഷേധിച്ചിട്ടും വിദ്യാർഥികള് സംഘടിച്ചെത്തിയതിനെ തുടർന്ന് പോലീസുമായി സംഘർഷമുണ്ടായി. തുടർന്ന് അഞ്ചു വിദ്യാര്ഥികളെ കരുതല് തടങ്കലിലാക്കി.
എസ്.എഫ്.ഐയുടെ നാലു നേതാക്കളും എന്.എസ്.യുവിന്റെ ഒരു നേതാവും അറസ്റ്റിലായി. അസീസ്, നിവേദ്യ, അഭിരാം, തേജസ് എന്നിവരാണ് അറസ്റ്റിലായത്. ഇവരില് നാലു പേര് മലയാളികളാണ്.
അസീസിനെ സുഖ്ദേവ് വിഹാര് പൊലീസ് സ്റ്റേഷനിലേക്ക് കൊണ്ടുപോയി. ഡോക്യുമെന്ററി ക്യാമ്പസില് പ്രദര്ശിപ്പിക്കുന്നത് ജാമിയ മിലിയ ഇസ്ലാമിയ സര്വ്വകലാശാല അധികൃതര് വിലക്കിയിരുന്നു. ഇന്ന് വൈകിട്ട് ആറു മണിക്കാണ് ഡോക്യുമെന്ററി പ്രദര്ശനം തീരുമാനിച്ചിരുന്നത്. വിലക്ക് ലംഘിച്ചും ഡോക്യുമെന്ററി പ്രദര്ശിപ്പിക്കുമെന്ന് വിദ്യാര്ത്ഥികള് അറിയിച്ചിരുന്നു. തുടര്ന്നാണ് കസ്റ്റഡി. വിദ്യാര്ഥികള് കൂട്ടംകൂടുന്നത് സര്വകലാശാലയില് വിലക്കി. ക്യാമ്പസ് ഗേറ്റുകള് അടച്ചിട്ടുണ്ട്. പ്രതിഷേധത്തെ മുന്നില് കണ്ട് ഗ്രനേഡുള്പ്പടെ വന് സന്നാഹങ്ങളുമായി ക്യാമ്പസ് പരിസരത്ത് പോലീസിനെ സജ്ജമാക്കി.
Discussion about this post