ന്യൂഡല്ഹി: ഇന്ദിരയുടെ കൊച്ചുമകളാണെന്ന ഭീഷണിക്ക് പിന്നാലെ തിരിച്ചടിയേറ്റ് പ്രിയങ്കാ വാദ്ര. ഡല്ഹിയിലെ സര്ക്കാര്വസതി ഒഴിയാന് എഐസിസി ജനറല് സെക്രട്ടറിയായ പ്രിയങ്കയോട് കേന്ദ്ര നഗരവികസന മന്ത്രാലയം ആവശ്യപ്പെട്ടു. ഓഗസ്റ്റ് ഒന്നിനുള്ളില് ലോധി എസ്റ്റേറ്റിലെ വസതി ഒഴിയാനാണ് അറിയിച്ചിരിക്കുന്നത്. ഗാന്ധി കുടുംബത്തിനുള്ള എസ്.പി.ജി സുരക്ഷ കഴിഞ്ഞ നവംബറില് സര്ക്കാര് പിന്വലിച്ചിരുന്നു. നിലവില് സിആര്പിഎഫിന്റെ ‘ഇസഡ് പ്ലസ്’ സുരക്ഷയാണ് പ്രിയങ്കാഗാന്ധിക്കുള്ളത്. ഈ സുരക്ഷാ വിഭാഗത്തിലുള്ളവര്ക്ക് സര്ക്കാര് താമസസൗകര്യം നല്കാന് വ്യവസ്ഥ ഇല്ലെന്നും മന്ത്രാലയം പ്രിയങ്കയെ അറിയിച്ചിട്ടുണ്ട്. ഓഗസ്റ്റ് ഒന്നിനുശേഷവും വസതി ഒഴിയാത്തപക്ഷം നിയമപ്രകാരമുള്ള പിഴ ഈടാക്കുമെന്നും ഉത്തരവ് സൂചിപ്പിക്കുന്നു.
1997 ഫെബ്രുവരിയിലാണ് ലോധി എസ്റ്റേറ്റിലെ ബംഗ്ലാവും എസ്പിജി സുരക്ഷയും ഗാന്ധി കുടുംബത്തിന് അനുവദിച്ചത്. കോണ്ഗ്രസ് അധ്യക്ഷ സോണിയ ഗാന്ധി, രാഹുല് ഗാന്ധി, പ്രിയങ്ക ഗാന്ധി എന്നിവരുടെ എസ്പിജി സുരക്ഷ കഴിഞ്ഞ നവംബറിലാണ് കേന്ദ്ര സര്ക്കാര് പിന്വലിച്ചത്.
Discussion about this post